Прескокни до содржината
Контакт

Политика за приватност

Ажурирано: 3 септември 2026 · Верзија 2.0

1. Вовед

finelevate360.com е домен во сопственост на Финелевате ДООЕЛ Скопје (Finelevate DOOEL Skopje). Едно од нашите основни начела е усогласеноста со важечките прописи со кои се уредуваат дејностите што ги вршиме и услугите што ги обезбедуваме. Согласно на тоа, целосно сме посветени на обезбедување заштита на личните податоци што ги обработуваме.

Од тие причини, во оваа Политика за приватност (во понатамошниот текст: Политиката), преку одговори на неколку конкретни прашања, ги објаснуваме клучните аспекти на обработката на личните податоци што може да ја вршиме.

Ве молиме да ја прочитате оваа Политика, како и нашата Политика за колачиња, пред да ја користите веб-страницата, да ни испратите порака преку формуларот за контакт или да побарате извештај за вашата подготвеност за вештачка интелигенција (AI).

Во оваа Политика, контролорот може да биде означен како: „Друштвото“, „ние“, „нас“ или „наш“.

2. Што се лични податоци?

Личните податоци се дефинирани со Законот за заштита на личните податоци. Согласно на тоа, членот 4 став (1) точка 1 пропишува дека:

„Лични податоци“ се сите информации што се однесуваат на идентификувано физичко лице или физичко лице кое може да се идентификува (субјект на лични податоци); физичко лице кое може да се идентификува е лице чиј идентитет може да се утврди директно или индиректно, особено врз основа на идентификатор како што се име и презиме, единствен матичен број на граѓанинот, податоци за локација, онлајн идентификатор, или врз основа на едно или повеќе обележја специфични за физичкиот, физиолошкиот, генетскиот, менталниот, економскиот, културниот или социјалниот идентитет на тоа физичко лице.

3. Што е контролор на лични податоци?

Контролорот на лични податоци исто така е дефиниран со Законот за заштита на личните податоци. Согласно членот 4 став (1) точка 7, контролорот е дефиниран како:

„Контролор“ е физичко или правно лице, орган на државната власт, државен орган или правно лице основано од државата за вршење на јавни овластувања, агенција или друго тело, кое самостојно или заедно со други ги утврдува целите и начинот на обработка на личните податоци; кога целите и начинот на обработка на личните податоци се утврдени со закон, со истиот закон се определува контролорот или посебните критериуми за негово определување.

4. Кој е контролор на личните податоци?

Друштво за консалтинг, маркетинг и услуги ФИНЕЛЕВАТЕ ДООЕЛ Скопје

Со седиште на Бул. АСНОМ бр. 8/3-24, 1000 Скопје, Република Северна Македонија.

Е-пошта: info@finelevate360.com

5. Која е правната основа за обработката?

Личните податоци ги обработуваме врз основа на:

  • согласност на субјектот на лични податоци;
  • преземање активности на барање на субјектот, како што се одговарање на порака или подготвување на побаран извештај за подготвеност за вештачка интелигенција (AI);
  • исполнување на законска обврска;
  • обезбедување на безбедноста и правилното функционирање на веб-страницата.

6. Кои се целите на обработката?

Личните податоци се обработуваат за следниве цели:

  • одговарање на прашања и барања доставени од посетителите на веб-страницата;
  • подготвување и испраќање на извештајот за подготвеност за вештачка интелигенција (AI) што го барате;
  • испраќање на билтенот на кој сте се претплатиле и сте ја потврдиле претплатата;
  • обезбедување и одржување на функционалноста на веб-страницата;
  • заштита на веб-страницата од злоупотреба и безбедносни ризици;
  • подобрување на корисничкото искуство;
  • исполнување на законски обврски.

7. Кои податоци може да ги обработуваме?

Кога ја посетувате и ја користите нашата веб-страница, може да обработуваме податоци што доброволно ги давате, при што се смета дека сте ја прочитале оваа Политика и сте се согласиле со обработката. Покрај тоа, може да се обработуваат и технички податоци. Согласно на тоа, во продолжение е дадено детално објаснување за сите податоци.

7.1 Податоци што доброволно ги давате преку формуларот за контакт

Следниве податоци може да ги дадете доколку нè контактирате преку формуларот за контакт на нашата веб-страница, вклучително и кога нè контактирате со цел да станете наш партнер:

  • име;
  • службена адреса за е-пошта;
  • организација (по избор);
  • темата и областите од интерес што ги избирате;
  • содржина на вашата порака (по избор);
  • други информации што доброволно ги давате.

Доколку нè контактирате со цел да станете наш партнер, нè контактирате во име на друштвото со кое сте во деловен однос.

Доколку нè контактирате по е-пошта, може да дадете и други лични податоци што не ги бараме. Во таков случај, ќе се смета дека сте дале согласност за обработка на личните податоци што сте ни ги испратиле. Овие лични податоци ќе се обработуваат на ист начин како и другите лични податоци опфатени со оваа Политика.

7.2 Податоци што доброволно ги давате за да побарате извештај за подготвеност за вештачка интелигенција (AI)

Доколку ја пополните проверката на подготвеноста за вештачка интелигенција (AI) и побарате да ви го испратиме извештајот, личните податоци што ги обработуваме се:

  • име;
  • службена адреса за е-пошта;
  • организација (по избор);
  • изборите во врска со согласноста што ги правите во формуларот;
  • вашиот резултат за подготвеност.

Додека ја пополнувате проверката на подготвеноста, вашите одговори се чуваат само во вашиот прелистувач (локално складирање), за да не го изгубите напредокот. Тие не ни се испраќаат, освен ако не одлучите да го поднесете формуларот.

7.3 Податоци што ги давате за да се претплатите на билтенот

Доколку се претплатите на нашиот билтен, личните податоци што ги обработуваме се:

  • адреса за е-пошта;
  • јазикот на веб-страницата од која се претплативте;
  • датумот, времето и IP-адресата на претплатата и на потврдата, како доказ за вашата согласност.

Претплатата започнува дури откако ќе ја потврдите преку линкот што ви го испраќаме по е-пошта. Може да се откажете во секое време преку линкот во секој билтен или на нашата веб-страница; во тој случај вашата адреса се отстранува од листата за билтенот.

7.4 Технички податоци

Кога ја посетувате нашата веб-страница, нашиот давател на услуги за хостинг може автоматски да ги обработува следниве податоци:

  • IP-адреса;
  • вид и верзија на интернет-прелистувачот;
  • оперативен систем;
  • датум и време на пристапот;
  • информации за барањата упатени до веб-страницата;
  • поставки за јазик.

8. Чии податоци ги собираме?

Контролорот собира податоци што се однесуваат на посетителите на веб-страницата, лицата што нè контактираат преку формуларот за контакт или по е-пошта, како и лицата што бараат извештај за подготвеност за вештачка интелигенција (AI).

Техничките податоци се обработуваат за целите на испорака на веб-страницата и одржување на нејзината информациска безбедност. Не користиме алатки за аналитика или рекламирање за следење на посетите на нашата веб-страница.

За да одговориме на вашата порака или да го испратиме извештајот што сте го побарале, ги користиме податоците што сте ги дале во соодветниот формулар.

9. Како ги собираме личните податоци?

Личните податоци ги собираме:

  • преку посетите на нашата веб-страница finelevate360.com;
  • кога нè контактирате преку формуларот за контакт;
  • кога поднесувате барање за добивање на вашиот извештај за подготвеност за вештачка интелигенција (AI);
  • доколку дадете лични податоци при испраќање е-пошта на info@finelevate360.com.

10. Дали пренесуваме податоци на трети лица и, ако да, на кој начин?

Друштвото не продава, не изнајмува и не открива лични податоци на трети лица, освен:

  • кога тоа е неопходно за обезбедување на функционалностите на веб-страницата;
  • кога тоа е пропишано со закон;
  • кога тоа е неопходно за заштита на правата и легитимните интереси на Друштвото.

Веб-страницата е хостирана и испорачана од Cloudflare, Inc., кој ги обработува техничките податоци како наш давател на услуги за хостинг и испорака на содржини и ја обезбедува заштитата од ботови опишана во точката 11.

За обработка на податоците што ги давате преку формуларот за контакт, барањето за извештај за подготвеност за вештачка интелигенција (AI) и претплатата на билтенот, како и за испраќање на билтенот, ги користиме услугите на Sendinblue (Brevo), 17 rue de Salneuve, 75017 Paris, France (brevo.com).

11. Што е Cloudflare Turnstile, дали го користиме и зошто?

Turnstile е услуга што ја обезбедува Cloudflare и која ги штити веб-страниците од спам и автоматизирана злоупотреба, без да бара од посетителите да решаваат загатка.

Согласно на тоа, нашата веб-страница го користи Cloudflare Turnstile во своите формулари за заштита од автоматизирана злоупотреба, спам и злонамерни активности.

При користењето на Turnstile, може да се обработуваат технички податоци како што се IP-адресата, информациите за уредот и интернет-прелистувачот, како и интеракциите со веб-страницата. Cloudflare ги обработува овие податоци во согласност со своите политики за приватност.

Со користењето на формуларите на веб-страницата, корисникот прифаќа Cloudflare да обработува податоци за целите на обезбедување на услугата Turnstile.

12. Кои мерки за безбедност на податоците се применуваат?

Веб-страницата користи HTTPS/SSL енкрипција за заштита на комуникацијата помеѓу корисниците и серверот.

Сите HTTP-барања автоматски се пренасочуваат кон HTTPS-верзијата на веб-страницата, со што се обезбедуваат доверливоста и интегритетот на пренесените податоци.

Ова е една од техничките мерки што се користат за заштита на личните податоци од неовластен пристап, губење, злоупотреба или измена.

13. Кој е рокот на чување?

Личните податоци се чуваат само онолку време колку што е неопходно за исполнување на целите за кои се собрани или колку што е пропишано со законски обврски.

14. Кои се правата на субјектите на лични податоци?

Согласно Законот за заштита на личните податоци, корисниците имаат права што може да ги остварат преку комуникација со Друштвото, како и права што може да ги остварат пред надлежниот надзорен орган: Агенцијата за заштита на личните податоци.

Согласно на тоа, имате право:

  • на пристап до вашите лични податоци;
  • на исправка на неточните податоци;
  • на бришење на податоците;
  • на ограничување на обработката;
  • на приговор на обработката;
  • во секое време да ја повлечете дадената согласност.

Барањата може да се поднесат на: info@finelevate360.com.

Доколку сметате дека начинот на кој Финелевате ДООЕЛ Скопје ги обработува личните податоци ги повредува вашите права утврдени со закон, може да поднесете барање до Агенцијата за заштита на личните податоци како надлежен надзорен орган. Барањето може да се поднесе во согласност со јавно достапните упатства издадени од надзорниот орган и достапни на неговата веб-страница.

15. Кога и како ја менуваме Политиката за приватност?

Во случај на измени на важечкото законодавство или измени на начинот на обработка на личните податоци, Друштвото ќе ја измени оваа Политика.

Друштвото го задржува правото периодично да ја ажурира оваа Политика за приватност. Секоја измена ќе биде објавена на веб-страницата, заедно со датумот на последната ревизија.